2010.2.26 相關新聞: 江欣燕為米蘭站拍攝廣告小資訊

注意: 此廣告雜誌 (合共五輯，每輯15秒) 稍後會於TVB晚上11時45分播放。




東方日報


江欣燕精明師奶轉炒貴價袋


由幕前藝人轉做市場推廣代表的梅小惠，最近搵老友江欣燕拍米蘭站廣告雜誌。自當了人妻後，欣欣自言已過了奢侈階段，但面對一批共值二百多萬的Hermes限量版手袋，除了手震外，其平淡心態因「錢」而起暗湧。掀起欣欣的心，緣於一個原值四十多萬的漸變白色鱷魚皮Hermes炒至七十多萬，加上全球限量一百個，升值可謂極有潛力。

比樓更升值

有見及此，欣欣索性另打主意，她笑說：「直情比大陸樓升值幅度更勁，我曾經大陸做，都想過買樓保值，但又擔心係『隔山買牛』，所以最後都擱置，但今次拍令我覺得不如轉炒手袋，都係投資另一選擇，因為我以前都買過一個萬幾蚊鱷魚皮手袋，十幾年今日都升值至兩、三萬。」

忍手抵誘惑

面對貴袋拍特輯，欣欣雖然話可作投資，但她都擔心自己會抵受不住誘惑。她笑說：「我拍緊時，都擔心對得耐自己都頂唔住，因為靚袋實在太吸引，不過，我都要忍住，免得拍完收錢後，都係擺番晒落去等如冇拍！」

江欣燕得老友安排，為米蘭站拍廣告雜誌，面對這個升值至七十多萬的貴袋，當然心動。

梅小惠當市場推廣，即介紹老友工作，二人老友鬼鬼。

面對眼前共值二百多萬的Hermes，欣欣稱拿起時都有點手震。

_____________________________________________________________________


太陽報



江欣燕心思思炒手袋



曾經愛打扮又追求名牌的江欣燕，自嫁作人妻後已戒奢侈，但最近經老友梅小惠穿針引線下，為米蘭站拍攝廣告雜誌，面對大批總值二百多萬港元的Hermès限量版手袋，欣欣歸於平淡的心再起暗湧。



當中最能夠牽動欣欣的心，是一個由四十多萬港元升值至七十多萬港元的漸變白色鱷魚皮Hermès，全球限量一百個，極具升值潛力，故凡事講求回報的欣欣，面對升值近一倍的名貴限量手袋時即「牛咁眼睇實」，準備以炒賣手袋為另類投資，果然精打細算！



拍攝當日，欣欣拿着大批升值潛力更勝樓宇的Hermès手袋說：「升值幅度直情比內地樓更勁！我曾經喺內地做嘢，都諗過買樓保值，但又擔心『隔山買牛』，所以最後都擱置。今次拍嘢令我覺得不如轉炒袋，都係投資嘅途徑，因為我以前都買過一個萬幾蚊嘅鱷魚皮手袋，十幾年後嘅今日都升值至兩、三萬！」

江欣燕（左）經老友梅小惠介紹拍攝米蘭站廣告，豬籠入水。

江欣燕（中）及梅小惠留心聽專人講解手袋知識。

江欣燕捧着的手袋已升值至七十多萬港元。