♥ 最新動態 ♥

.7月中開拍新劇《Aerobic Girls舞室保衛戰》。

2013年7月16日

2013.7.15 相關新聞: 《Aerobic Girls舞室保衛戰》開鏡拜神

【舞室保衛戰造型曝光】

《舞室保衛戰》今日試造型,大家覺得個look點?
http://static.apple.nextmedia.com/images/e-paper/20130715/large/1373889451_f2c6.jpg

曾志偉和陳維冠監製的無綫劇《Aerobic Girls 舞室保衛戰》今日喺電視城開鏡拜神,李若彤、李麗珍、江欣燕、陳慧珊、張慧儀、葉蘊儀和袁潔瑩七位女主角,與及吳啟華、鄭敬基及鄭丹瑞等一眾演員都以劇中造型出席。咁一眾後生版當然都有出席啦。

承認與吳積遜十二年婚姻告終的江欣燕,婚變消息傳出後首度現身,現場所見欣欣的心情尚算平伏,飾演舞室老闆娘嘅佢,喺台上介紹角色時仲話:「我哋要保衛阿媽留低嘅舞室,冇男人都唔緊要,我哋要靠自己!」結果志偉等人拍手叫好。

今集眾主角齊人,畢竟已經唔係十八廿二,所以眾主角個妝都幾「重手」,葉蘊儀明顯發福,陳慧珊就似乎又瘦咗,李麗珍同李若彤、袁潔瑩就狀態唔錯,不過李若彤同袁潔瑩都係瘦得滯。

昔日一眾花旦,感情路上行咗一段又一段冤枉路,即使歲月不饒人,但一直自力不息、內心美麗。所以,個個都咁靚;喺觀眾記憶中,都係一樣。



















































































































































【江欣燕離婚】
欣欣親口證實:有離婚協議書

http://static.apple.nextmedia.com/images/e-paper/20130715/large/1373894574_b1d2.jpg
欣欣今日現身新劇造型,難逃被追問婚變原因,神情無奈

坦認同結婚12年嘅吳積遜離婚之後,有關於婚變原因傳之不絕。今日新劇《舞室保衛戰》試造型時,見欣欣嘅心情尚算平伏,飾演舞室老闆娘嘅佢喺台上介紹角色時話:「我哋要保衛阿媽留低既舞室,冇男人都唔緊要,我哋要靠自己!」結果志偉等人拍手叫好。

欣欣事後解釋只是劇情,並非佢嘅心聲。問到目前心情,佢話:「我都集中精神開工,劇情話我係由細到大都好執著跳舞,所以我0依家好努力排舞。」欣欣續謂:「我返嚟做嘢永遠用最佳狀態,做咗咁多年人,其實我會盡識得去控制自己,好清楚嘅決定嚟0架嘛,所以我都冇乜兩個人之間去澄清同發表,活在當下,我ok嘅!」

訪問期間,見欣欣一度有啲啲眼紅紅兼哽咽,不過好快已經平伏。咁啱今日有報道話因為欣欣難忍老公搞女12年先至離婚,欣欣話:「我冇睇呀,隨便大家點講。做咗呢個圈咁多年,我都知形式上一定會咁,你叫我自揭,我又冇咁嘅必要,所以有人問我,我一定唔會講大話。」

欣欣續謂:「兩個人相處,唔係一啲細問題,而係長時間先發覺大家嘅性格係好唔啱。如果大家相信我,呢一件係好事嚟。最緊要係我哋各人都盡快搵一個好滿足嘅生活。」

再問到今次離婚導火線係乜嘢?欣欣就表示:「其實冇乜大原因,可能有一日醒咗而去決定,我相信對大家係一件好事。」盛傳因有協議書嘅關係,所以唔能夠透露太多詳情,欣欣話:「幾好笑喎,係我哋嘅協議,但係唔去解釋喇,總之我哋永遠都係朋友。」




















































































































































江欣燕忍淚揭分手協議
[20:24] 2013/07/15

【on.cc 東方互動 專訊】 身穿粉紅色戰衣出席新劇《Aerobis Girls舞室保衛戰》拜神儀式的江欣燕,在講述在戲中角色是沒有伴侶的時候有感而發:「冇男人唔緊要,我哋靠自己!」雖然全程強顏歡笑,但談及離婚一事仍忍不住淚光:「做咗咁耐人,識得控制自己,我哋兩個人之間o既事,冇乜好發表!」問是否如報道所指吳積遜玩女和財政有問題?她含淚說:「兩個人相處咁長時間,發覺真係性格不合。(有導火線?)冇特別原因!(有協議書?)只係我哋兩個o既協議!」

江欣燕邊講邊眼泛淚光。


























2013年7月6日

欣欣 7月6 號生日快樂~~~

欣欣 7月6 號生日快樂~~~

知道你為左籌備新劇忙得不可開交~~保重身體呀~~~

祝你工作順利~~生生猛猛~~~

壇數再高D喇哈哈~~

Wish you all the BEST!!!


2013年6月20日

2013.6.20 相關新聞: 《Aerobic Girls 舞室保衛戰》記者會

志偉諗計拉阿倫出山拍劇
[14:50] 2013/06/20

【on.cc 東方互動 專訊】 曾志偉出席為無綫監製的新劇《Aerobic Girls》記者會,他透露首次擔任電視劇監製感覺好辛苦,原定邀請毛舜君、葉玉卿、夏汶夕和陳奕詩演出:「但係毛毛要陪個女去外國升學、卿卿因為子女問題令計劃泡湯,不過毛毛願意義務出任總導演,指導7位新人演戲。」志偉還有意找老友譚詠麟出山:「佢梗係做番自己啦!當年個個都當佢係偶像,依家用輿論同壓力囉!」

《Aerobic Girls》劇集人強馬壯。























































**********************************************************************************************************

【90's女神出山】
《Aerobic Girls》志偉力邀譚詠麟出山

今日《Aerobic Girls》就舉行發佈會,李若彤、李麗珍、葉蘊儀、陳慧珊、張慧儀、袁潔瑩同埋江欣燕,7位「90's女神」將會演出由曾志偉揸旗監製嘅首部無綫劇、改編自韓國電影《陽光姊妹淘》。

志偉笑就話今次壓力比拍三部電影仲多,播出日期則有待無綫安排,講到戲份分配問題,志偉就話:「李若彤同李麗珍會多啲啲,因為佢兩個會先有個衝突,跟住會逐個逐個番佢出嚟,搵齊晒之後會有好多係群戲,原則上人人都係差唔多。」佢再話:「今次反而係好開心,搵到14個都咁想拍戲嘅人,新人當然想拍戲,另外嗰個7位雖然係好耐冇拍,但係佢哋今朝仲話緊俾我聽好期待。」

志偉更透露找咗個猛人助陣,話:「毛毛(毛舜筠)會負責幫我俾士氣同鼓勵啲演員,佢因為要陪囡囡去外國讀書而推咗部戲,但係佢好鍾意呢套劇,所以最後佢自薦做呢個總導師。」佢亦坦言希望得到另一個老友出山,佢話:「呢個係譚詠麟,因為故事話成班女當佢係偶像,所以會有好多譚詠麟嘅歌。」佢又講笑話:「我將呢個問題交咗俾陳國強,不過我未有同阿倫講,希望大家幫我俾啲壓力佢!」

而袁潔瑩、江欣燕、陳慧珊同志偉好老友,今次應邀復出,佢哋心情都話好期待。而呢套劇嘅男主角吳啟華就爽啦,獨攬7位女神,佢仲同當年好柏檔,一齊拍無綫劇《妙手仁心》嘅陳慧珊合照o添。

做江欣燕後生版嘅係AOA嘅妹妹吳燕菁(Annice),笑容似到十足。演袁潔瑩後生版嘅係SuperGirls成員Cheronna(吳嘉熙),Cheronna膚色比較黑,似就唔太似,可能性格會似似哋,都係比較剛強。另外演陳慧珊後生版嘅係新人陳瀅。


【90's女神出山】
【圖輯】七位女神 邊位最得?

政府將發新免費電視牌照嘅競爭,為咗保住收視嘅無綫日前已宣佈成功邀到90年代女神李若彤同張慧儀出山,聯同李麗珍、葉蘊儀同埋陳慧珊拍攝曾志偉監製嘅新劇《Aerobic Girls》(暫名)。

今日《Aerobic Girls》就舉行發佈會,李若彤、李麗珍、葉蘊儀、陳慧珊、張慧儀、袁潔瑩同埋江欣燕,7位「90's女神」將會演出由曾志偉揸旗監製嘅首部無綫劇、改編自韓國電影《陽光姊妹淘》,預計月底就開工。女主角就有7位,呢套劇嘅男主角吳啟華就爽啦,獨攬7位女神,佢仲同當年好柏檔,一齊拍無綫劇《妙手仁心》嘅陳慧珊合照o添,好經典呀!

而《Aerobic Girls》中會有7位靚女演7位「90's女神」嘅年輕版,分別有「邦民女」陳嘉寶、賴慰玲、王敏奕、「糖妹」黃山怡、陳瀅、AOA嘅妹妹吳燕菁(Annice)同SuperGirls成員Cheronna(吳嘉熙)。


《Aerobic Girls》
李若彤、陳慧珊、李麗珍齊現身!

無綫面對政府將發新免費電視牌照的競爭,日前已宣佈成功邀到90年代女神李若彤同張慧儀出山,聯同李麗珍、葉蘊儀同埋陳慧珊拍攝曾志偉監製嘅新劇《Aerobic Girls》(暫名)。今日《Aerobic Girls》舉行發佈會,咁多位Aerobic Girls終於見到真人喇!!

之前公開咗已應承回巢嘅有李若彤、張慧儀、李麗珍、葉蘊儀同陳慧珊,今日齊齊現身記招,但原來仲有一位漏咗……今早東張西望記者Master Joe喺微博就post咗張相,相中見到原來《Aerobic Girls》仲有袁潔瑩同江欣燕。

咁多位女神都冇乜大走樣,當中以39歲嘅姑姑李若彤keep得最好,個樣同身型同10幾年前冇分別,魅力依然;而40歲當年同周慧敏被喻為「玉女派掌門」嘅葉蘊儀已為人母,自然豐腴少少;不過咁多位息影咁多年,肯出山都算係咁啦!

佢哋將會演出由曾志偉揸旗監製嘅首部無綫劇、改編自韓國電影《陽光姊妹淘》,預計月底就開工。《Aerobic Girls》講述中學時嘅七公主,喺25年後已為人婦、人母後再重聚,一起尋找青春回憶嘅故事。呢排無綫啲劇咁低收視,唔知呢套又能唔能夠打救收視呢?


































































































































































2013年6月12日

2013.6.11 相關新聞:《超級無敵獎門人 終極篇》錄影

[14:41] 2013/06/11
【on.cc 東方互動 專訊】 莊思敏為《超級無敵獎門人終極篇》錄影,與C君和商天娥一組的她笑言要靠娥姐取勝:「靠晒娥姐壓住獎門人。(有信心贏?)一半半啦,briefing嗰陣見森美陰陰嘴暗笑喺度諗啲詭計嚟整我哋,所以最膽心要應付佢。」她又透露月尾將開新戲:「係套警察喜劇,我要剪短頭髮做差婆,對手有鄭中基、石詠莉、蘇民峰等等。」

莊思敏表示要靠娥姐才能壓住志偉。



















*******************************************************************************************************

黃德斌慘被林曉峰寸「斌縮」
蘋果即時新聞

黃德斌噚晚同商天娥、莊思敏、糖妹及森美等,喺將軍澳電視廣播城錄影《超級無敵獎門人終極篇》,成晚黃德斌都成為被玩嘅對象,認真慘情。

玩「超級無敵過過過」時,黃德斌要負責着冰衣,佢好肉緊咁拍鬆件衫,主持曾志偉笑話:「你當呢件係金枝衫?」 錢嘉樂又加把咀講:「諗吓之前你喺沙漠幾熱,依家冰火五重天,如果喺砵蘭街好貴。」林曉峰又講有味笑話:「男人一凍就縮,不如你就叫斌縮,又或者叫冰天斌。」

另外,玩「超級無敵勁勁勁」時,嘉賓要打乒乓波鬥講話題,甫開始就要講《金枝貳》角色名,黃德斌第一個就講雯女嘅如妃,跟住另一個話題係講商天娥有份演的劇集,黃德斌開口講娥姐跟雯女合演的:「係《師奶唔易做》。」娥姐明玩佢:「我冇做喎,嗰個係鄧萃雯。」 同場森美又取笑主持之一金剛:「我有個舊拍檔,就係小儀,你着我舊鞋,大家係襟兄弟。」真係講得就講,唔怕小儀嬲。



















欣欣keep得唔錯。





























2013年6月9日

2013.6.9 相關新聞: 欣欣出席護眼活動

江欣燕為張衛健母憂心落淚
[20:09] 2013/06/09

【on.cc 東方互動 專訊】 女星江欣燕(欣欣)、薛家燕及陳煒等出席護眼活動,提到舊愛張衛健母親遇溺昏迷,欣欣透露昨晚才返港故並不清楚,待知詳情後,欣欣突然憂心落淚,其後祝伯母早日康復:「希望健仔堅強啲支持住,講啲開心嘢刺激吓媽咪。(探佢?)都想,但呢幾日都忙。」不過欣欣仍向記者打聽張母住哪間醫院,表現關心。

江欣燕為張衛健母昏迷,憂心落淚。



















































*********************************************************************************************************

驚聞張衞健母遇溺入院
江欣燕當場灑淚
蘋果即時新聞

張衞健(Dicky)舊愛江欣燕今日現身荃灣分享自己患白內障經歷,講到Dicky媽咪遇溺昏迷入院,欣欣話:「早兩日唔係香港,噚晚返先係華星個Group Chat度見到話伯母接受冷凍治療,我仲以為係美容療程。」

當欣欣得知詳細情況後,即現擔心之情不禁流淚,並查問伯母留醫嘅醫院,問到會否探望?佢話:「我都想,但應該唔會,呢兩日都有工作,希望伯母會早日康復。」欣欣亦透露有好多年冇同張伯母見面。

欣欣驚聞張衞健母遇溺入院,當場灑淚。















同欣欣相見歡。

























本來好好哋

















原來欣欣以為張伯母接受冷凍治療,係美容療程。

























知道係入了深切治療部後,欣欣忍唔住喊。


























紙巾拭淚。

























張伯母肯定會收到欣欣的祝福的!