2010.2.20 忽然一周 《西貢車公：求籤最靈》

(節錄欣欣相關部分)


新春期間，有過百萬名善信出動，到各大小廟宇求籤祈福，今年的鋒頭躉仍是黃大仙廟、沙田車公廟和觀音寺等。不過，香港的靈籤、高人，豈止得呢幾間！本刊明查暗訪，走遍港澳，趁虎年新春替讀者找出求籤最靈的西貢車公廟和澳門阿姐觀音籤、最強的易卜奇人及鮮為人知的鐵板神數。你會發覺，隱世靈籤其實近在咫尺！

早幾天大年初三，沙田車公廟又再人頭湧湧，但那裏供奉的只是車公的孫子，車公真身原來西貢蠔涌。

西貢公路車來車往，唔留心都唔知蠔涌村口有間車公廟。這間廟跟沙田的相比，無論規模、氣勢都差好多。廟宇小小的，目前更進行工程，車公爺爺被逼供奉在廟旁臨時搭建的鐵棚內，但每個早上來還神的信眾仍是絡繹不絕。


靈過神仙


善信關太年年去西貢車公廟求籤。「幾年前囡囡一直搵唔到工，人話呢間車公廟靈過沙田間，我咪求下。籤文話阿女不出一個月會搵到工，隔幾個禮拜，佢真係搵到工，仲做到依家。自此我年年都。」

玄學家吳佩孚係車公古廟神功玄學會理事長，逢初一至十五都在西貢車公廟幫人解籤。「呢間車公廟的籤好靈，加上地點偏遠，較少人知，故不少藝人來求籤。像江欣燕之前問事業，支籤話佢會返無，當時佢唔信，話同TVB關係麻麻，無可能。但幾個月後，佢真係返去拍《同事三分親》，仲做到依家。佢都話西貢車公靈過神仙！」