2010.5.31 相關新聞: 板獎自家火鍋開幕

東方日報
C07 | 娛樂


志偉宴請夜鬼任飲任食
 

曾志偉昨日請來一大班圈中好友，出席其新食店開張儀式。多年來投資不少飲食生意的志偉，揚言開新舖對他全無壓力，更笑言有份到場的好友，可獲免費卡任飲任食，但只限凌晨三時後入座，兼只用一次。

志偉新店開張，請來森巴跳舞女郎火辣助興。

志偉與板長壽司Ricky及米蘭站老闆Byron合資的「板獎自家火鍋」昨日開張，圈中好友王祖藍、錢嘉樂、阮兆祥、江欣燕、呂慧儀、洪天明、周家蔚、葉翠翠等均有親臨到賀。郭富城、小美、英皇娛樂集團亦送上花籃賀志偉新張之喜，大會更安排兩位火辣森巴跳舞女郎助興。

左二起：Byron、志偉與Ricky合資開食店，王祖藍及江欣燕到賀。


笑言兩日回本

又做老闆的志偉風騷地說：「本來想同Ricky喺新加坡開舖，但點知佢話喺香港搞啦，計劃開三間，合計我投資咗六、七百萬。（幾時回本？）過兩日啦！呢樣嘢好難講，反應好，一個禮拜都可以回本。以前我搞火鍋都搞到上市，不過都係啲拍檔好嘢，唔關我事。（唔預譚詠麟？）佢要做珠寶大生意，我唔敢搞，不過佢係好拍檔，佢好運。今日嚟撐場嘅嘉賓，我會送番張免找數卡畀佢哋，限凌晨三點後入座，限用一次。」

呂慧儀則說：「我都想開零食同糖果店。（識個有錢男友打本畀你開舖？）我只識顧住拍好啲劇，況且自己錢會緊張啲。（羨唔羨慕有啲港姐生財有道？）咁佢哋有本事，我唔識理財，要向媽咪請教至得。」

文：影視組



**********************************************************************************

太陽報
C02 | 娛樂


志偉投資食肆盼兩日回本


曾志偉與板長壽司Ricky（鄭威濤）及米蘭站老闆Byron合資的「板獎自家火鍋」昨日開幕，大批圈中人畀面到賀，包括阮兆祥、王祖藍、錢嘉樂、江欣燕、呂慧儀、洪天明、周家蔚及葉翠翠等，至於英皇娛樂集團、郭富城與小美則送上花籃。

志偉說：「除咗尖沙咀呢間火鍋，奧海城間烏冬，仲會喺新鴻基中心開一間添！三間合計我投資咗六、七百萬。（預計幾耐回本？）過兩日啦！哈哈！反應嘅嘢好難講，好嘅一個禮拜都可以回本，以前我搞火鍋都搞到上市，不過都係啲Partner好嘢，唔關我事。（冇預譚詠麟？）佢做珠寶大生意，我唔敢搞，不過佢係好 Partner，佢好運。（點答謝嚟撐場嘅嘉賓？）每人送番張免找數卡畀佢哋，限凌晨三點後入座，只可用一次。」呂慧儀聞言即說：「我次次同志偉嚟，咪志偉請囉！我都有興趣開舖，做零食同糖果生意。（識個富貴男友打本？）我只係識拍好啲劇咋喎！而且自己出錢會着緊啲。（唔羨慕有港姐生財有道？）咁佢哋有本事，我理財好差，我要向我阿媽請教至得。」


*************************************************************************************

蘋果日報
C02 | 娛樂名人


呂慧儀羨慕港姐黐闊佬


曾志偉與和食達人Ricky San及米蘭站老闆Byron投資的板獎自家火鍋昨日在尖沙嘴開幕，呂慧儀、葉翠翠、阮兆祥、錢嘉樂、江欣燕、洪天明與女友周家蔚等冒雨捧場。呂慧儀試食時，親自餵曾志偉，相當識做。志偉送給眾嘉賓一張「長滾卡」，他笑言只限在凌晨3時後用一次。

過往不少港姐已買車買樓，問呂慧儀會否識個有錢男友打本開舖？她說：「佢哋本事，太令人羨慕，我會用自己錢做生意。」

志偉投資200萬

志偉表示做生意要睇合作夥伴，他說：「今次我投資咗200幾萬，好似阿倫（譚詠麟）就係好partner，佢好好運。」那為何不預阿倫一份？他笑說：「佢嫌細生意，佢o依家做珠寶，係珠寶商，我唔敢啦。」

採訪：溫敏芝

攝影：彭琮然

video:
http://hk.apple.nextmedia.com/template/apple/art_main.php?iss_id=20100531&sec_id=462&subsec_id=830&art_id=14083825


**********************************************************************************

成報
C03 | 娛樂

曾志偉指望兩日回本


曾志偉聯同Ricky San及米蘭站老闆Byron三人合資「板獎自家火鍋」，昨天開幕，不少圈中人捧場，有江欣燕、王祖藍、阮兆祥、周家蔚、洪天明、郭政鴻、錢嘉樂、葉翠翠、呂慧儀等到賀。曾志偉表示，今次投資二百幾萬，和之前的烏冬店等總投資額六七百萬。他笑言：「過兩日會回本。」向來有投資生意的志偉也坦言並非每次都成功，不成功例子「陰陰乾不見咗！」。他說演藝人做生意最重要有好拍檔，與阿倫有多次生意上合作的他，直言阿倫是個好拍檔，也相當好運。刻下阿倫正投資珠寶生意，志偉笑言縑他的生意太大，加上對珠寶興趣不大。雖然阿叻和阿倫沒有出席支持，志偉說有朋友來已OK了。

呂慧儀自言很喜歡打邊爐，每次與獎門人一齊吃都由他埋單，笑言不叫他不得。對於做生意，呂慧儀表示一定要向獎門人請教。何不叫男友打本？她認真表示，做生意用自己錢才會着緊。