江欣燕為老師平反：唔拜金
曾跟戴思聰學唱歌並與其大女戴蘊慧感情甚篤的江欣燕，對於戴思聰離世，深表哀痛，並揚言要為戴老師平反，指他絕不拜金，對學生相當之好！
江欣燕說：「真係好想同老師平反，我曾經跟佢學過兩、三堂唱歌，戴老師好和藹可親，一啲都唔拜金，係一位好好嘅唱歌老師，老師到生命最後一刻，都係為樂壇付出緊，不斷咁教學生，巨聲幫有兩個參賽者都係佢嘅學生。」
江欣燕指戴蘊慧昨晨八時許傳短訊給她，告知噩耗，但因自己身體不適，到下午才看到短訊，即第一時間回覆，她說：「聽到呢個消息，好唔安樂、好難過，希望真 真（戴蘊慧暱稱）堅強接受，會睇下有咩可以幫手，好彩尋日去見老師最後一面，同老師拖手，同師母傾偈，叫師母唔好咁傷心。我入娛樂圈第一個朋友就係佢，所 以好珍惜。」江欣燕坦言經歷過陳鴻烈、戴老師這樣突然離世，更加珍惜屋企人。
**************************************************************************************
東方日報
C01,C20 | 娛樂
戴思聰病逝
樂壇教父戴思聰於昨早8時35 分，因急性冠心病與世長辭，享年69歲，臨終時家人及曾跟他學唱歌的林文龍陪伴在側，徒弟陳曉東昨早雖由北京急飛返港，可惜未能見老師最後一面，晚上親慰師母，抱頭痛哭！
1940-2010
一生致力教唱歌的戴思聰，栽培了不少天王巨星，王菲、黎明都是他的高足，前日凌晨，戴思聰在家因心臟病發昏迷，被送入律敦治醫院深切治療部急救，可惜留院30小時後終於不幸離世。據知，戴思聰入院後一直昏迷，沒有留下遺言！彌留期間，妻子、兩個女兒戴蘊慧（真真）和戴辛尉（葳葳）一直緊守病榻，昨日凌晨3時葳葳帶親友漏夜探父，逗留一小時才離去；至昨早6時許，真真再到醫院，戴上口罩的她容顏憔悴，記者問爸爸情況點？她舉一舉手說：「OK。」即速入病房。曾跟戴思聰學唱歌的林文龍於7時到達，見到記者即急步入ICU。
戴蘊慧親報死訊
約8時45分，葳葳由ICU衝入洗手間，雙眼又紅又腫，9時過後林利亦趕到醫院，直至9時55分，戴太扶着林利手臂步出ICU，神情凝重，一言不發跟女兒等人入會議室，之後醫院工作人員推黑箱入ICU，真真在妹妹葳葳陪同下向記者宣布父親死訊。真真眼有淚光說：「辛苦晒各位，我依家有啲事同大家講，今朝我父親戴思聰老師已經喺8時35分……（嗚咽，停頓一秒）離開，我父親係因為急性冠心病入院再引起併發症，我父親走嘅時候好安詳，佢嘅出殯事宜之後會同大家交代，辛苦晒。」之後一行人上車離去。據知，戴思聰因急性冠心病引致中風、腎衰竭逝世。記者之後致電真真，她疲累說：「今日唔會搞後事，我哋3日3夜冇瞓，好攰，大家都會病，依家送咗媽咪返屋企休息。」即收線。
由北京返港的陳曉東未能見老師最後一面。
呂方昨晚探真真
昨晚戴太在女兒葳葳、徒弟前歌手洪楗華陪同下到真真的堅尼地道寓所，約8時許，一身素服的陳曉東抵達，戴太一早在樓下迎接，東東與師母緊緊相擁痛哭，互相攙扶上樓，隨後穿黑衣的呂方亦到達慰問。而江欣燕稍後亦素服出現，沒有發言。
當年東東與戴思聰曾因合約糾紛反目，但隨着日子過去，兩師徒冰釋前嫌，昨日本報致電東東，他黯然說：「今早喺北京搭9點機返港，準備起飛前收到老師離世消息，覺得好遺憾，心情好悲痛！」東東返港後即致電葳葳慰問，他說：「我會留港兩日，好想親自去（殮房）見老師最後一面，不過要等佢屋企人安排。」對於當年的合約糾紛，東東瀟灑說：「冇乜嘢，師徒一場，師徒之間有情分，以前糾紛唔算乜，老師就係老師，不過自己成日喺大陸，已經2 年冇見。」東東最記得當年親自致電老師學唱歌：「佢特別錫我，教我唱歌，又帶我去見唱片公司，好感激老師。」東東謂一定返港出席喪禮。
林文龍趕及送終
至於趕到醫院見戴思聰最後一面的林文龍接受本報訪問，他表示清晨6時許收到老師學生的電話遂趕去醫院，他說：「當時老師已經昏迷，我喺佢耳邊說『唔使擔心，放心走啦』﹗」林文龍慶幸見到老師最後一面，可惜另一徒弟林利趕到時已陰陽相隔，林利說：「我到時老師已經走咗，但遺容好安詳，雖然發生太突然，但係一個福氣。」
文：音樂組
***************************************************************************************
太陽報
C12 | 娛樂
江欣燕漏夜登門慰問
戴思聰在圈中人緣甚廣，加上戴蘊慧及戴辛尉結識不少圈中好友，一班戴老師生前愛錫的徒弟好友都紛紛協助辦理身後事，江欣燕（欣欣）昨晚10時45分獨自抵達戴蘊慧位於堅尼地道的寓所，希望盡一分力，好好送老師最後一程！戴上黑超、腳踏拖鞋的欣欣神色哀傷，未有回答提問，禮貌地道別後便急步走入大廈。前晚她曾到醫院探望老師，連日奔波的她難掩倦容。
至昨晚11時45分，一部七人車從上址駛出，後座座位的車窗全部拉上布簾，未知所載何人，後來七人車擺脫幾部尾隨的採訪車。當記者折返戴家時，大廈保安員稱所有人已離開。另外，陳曉東於今日凌晨12時15分，於微博上載一張跟戴思聰昔日的合照，相中戴老師摸着東東面頰，不少歌迷留言望東東節哀順變。
江欣燕與戴家關係良好，昨晚亦有上門慰問。
****************************************************************************************
太陽報
C01 | 娛樂
馬浚偉望一路好走
回應
林峯：「戴思聰係我啟蒙老師，我十幾歲跟佢學唱歌，學咗兩至三年，嗰陣冇諗過做歌手，佢同我講如果係咁就唔教，好深刻佢教我唱張學友嘅歌，其實有幾年冇聯絡，但有同佢個女SMS，希望遲啲再慰問佢哋。」
張明敏：「好震驚！好難相信呢個消息，之前仲同老師講過話想搞個師生演唱會，真係好可惜。」
馬浚偉：「我93年參加比賽識戴老師，佢話收我為徒，仲介紹唱片公司畀我，都17年喇！對佢離世感難過，希望老師一路好走。戴老師對學生好仁慈，當係仔女咁，從冇鬧我哋。」
江欣燕：「真真（戴蘊慧暱稱）今朝傳短訊畀我話老師走咗，聽到好唔安樂；其實我想幫老師平反，老師好和藹，一啲都唔拜金，老師到生命最後一刻都不斷教學生，巨星幫有兩個參賽者都係佢學生！好彩尋日見到老師最後一面！」
吳國敬：「好突然，希望佢屋企人節哀！（致電戴蘊慧慰問？）呢個時候唔會騷擾佢！尋日先有人同我講佢入院，今日（昨日）就走咗，我識佢好多年，曾經係我師傅，雖然學咗幾堂，但佢真係好德高望重！」
鄭嘉穎：「啱啱先知道消息，希望師母唔好太傷心，一家人節哀順變。」
劉詩昆：「戴蘊慧通知我，很悲痛，好可惜，想不到這麼快離開！（知否戴老師生前有毛病？）不知道！我一定會出席他的喪禮！（有甚麼對他的家人說？）很想表揚他在香港演唱事業的貢獻。」
陳奕迅：「個消息好突然，我同戴思聰冇合作過！佢係好前輩級，希望佢屋企人節哀。最近身邊好多呢啲事發生，大家都應該抱住呢個心態！」
官恩娜：「戴老師對音樂方面好有貢獻，樂壇又少咗一位前輩，我覺得好可惜，雖然從來未跟佢合作過，不過都識得佢個女，希望佢一家人節哀。」
江欣燕
*******************************************************************************************
太陽報
C01,C12 | 娛樂
戴思聰病逝 愛徒東東請假奔喪
樂壇教父戴思聰因急性冠心病引起併發症，昨晨不敵病魔去世！眾愛徒對老師逝世深感難過，曾與戴老師發生合約糾紛的陳曉東（東東），昨日返港探望師母，師母甫見他即抱頭悲慟嚎哭，場面傷感！
曾於八、九十年代叱咤一時的香港樂壇教父戴思聰，昨晨8時35分於灣仔律敦治醫院病逝，享年69歲。女兒戴蘊慧於昨晨10時25分向傳媒公布父親死訊，架着墨鏡的她眼泛淚光說：「辛苦晒各位！我依家有事同大家講，今（昨）朝我父親戴思聰老師已經喺8時35分離世，我父親係急性冠心病入院，再引起併發症！父親走嘅時候好安詳，佢嘅出殯事宜，之後會再同大家交代，辛苦晒！」據悉，戴思聰因急性冠心病引致中風及腎衰竭。
暫時唔辦身後事
離開醫院後，戴辛尉（葳葳）、戴母及愛徒洪楗華先返回炮台山寓所，及後再坐車到戴蘊慧位於堅尼地道寓所。據事後記者再致電蘊慧，她表示暫時不會辦父親身後事：「3日3夜冇瞓，好攰！大家要休息吓，因為擔心會病，已經送咗媽咪返屋企，全日休息唔出街，會叫外賣！」
另一邊廂，稱戴思聰為「老竇」的東東，昨晨取消工作，專程搭早機由北京返港。晚上8時許，身穿白衫、黑褲及黑鞋的他抵達戴蘊慧寓所。問到有否見戴老師最後一面？東東並無回應，師母甫見東東即抱頭痛哭，東東則搭實師母膊頭，令人心酸！而呂方及江欣燕亦分別於晚上抵達。
東東昨日接受電話訪問時表示，對於「老竇」逝世深感難過：「準備起飛時，已收到老師逝世消息，好難過！我想見師母，慰問佢哋！（同『老竇』幾耐冇聯絡？）都有一段時間，間中有通電話！一直唔知佢有心臟病，只知佢腰痠同眼有事！」對於早年雙方曾發生合約糾紛，他說：「冇乜嘢啦！大家師徒一場，以前糾紛唔算係乜！師徒之間有份情，人與人之間感情最緊要，過咗去嘅嘢唔想提！（邊個行出第一步？）唔使回顧！只記得佢好錫我，有好多難忘回憶！」
「以前糾紛唔算係乜」
驚聞「老竇」逝世後，東東返港後即與戴家聯絡：「落機已同葳葳通電話，叫佢哋好好休息，師母呢幾晚冇瞓，我都想見老師最後一面，不過要等佢屋企人安排！（你有冇喊？）唔好問呢啲！我覺得遺憾同悲痛，見唔到最後一面，一直好思念！（出席喪禮？）會返嚟出席喪禮！」
回顧17年的師徒情，東東悲喜交集：「諗番第一日戰戰兢兢打畀老師搵佢學唱歌，自己去北角搵佢哋，當時師母開門畀我，好記得師母揸住個蘋果，之後仲畀我食！老師特別錫我，教我唱歌，又去KTV練歌，同埋帶我見唱片公司（寶麗金），我好感激佢！」
專案組
*******************************************************************************************
頭條日報
P01 | 要聞 | 頭條
樂壇教父 戴思聰病逝
今晨一時版
本港著名歌唱老師戴思聰昨晨因急性冠心病引起併發症離世，終年六十九歲。他離世前，家人及好友陪伴在病牀旁，兩名女兒戴蘊慧和戴辛尉均表示，爸爸安詳地離去。曾跟戴思聰學習唱歌的樂壇天后王菲表示，希望能由內地趕來港，送老師最後一程。本報記者戴思聰上周六凌晨在家中心臟病發昏迷，送入律敦治醫院搶救，其間心跳一度停頓，進入深切治療部留醫。及至昨晨八時左右，戴思聰妻子及女兒趕往醫院深切治療部，各人神色凝重。個多小時後，戴思聰太太在藝人林利扶持下步出病房。
心臟病發徹夜搶救無效
直至十時二十分左右，戴思聰兩名女兒戴蘊慧和戴辛尉宣佈爸爸的死訊，她們指爸爸因急性冠心病引起併發症，延至昨日清晨八時三十五分不治，離世時十分安詳。
於六十年代來港的戴思聰，原名戴斯聰，來港後曾到邵氏擔任幕後代唱，及後再到日本學習音樂，學成後返港開始正式授徒，第一位學生是張明敏。他於八、九十年代，培育不少樂壇巨星，包括黎明、郭富城、王菲，以及已身故的梅艷芳等，被譽為香港樂壇教父。
戴思聰入院後，多名好友前來探望，包括著名鋼琴家劉詩昆、藝人江欣燕、馬浚偉、林文龍及林利等。
王菲：爭取來港追悼
身為戴思聰徒弟、出道時即簽戴思聰為首位經理人的馬浚偉說：「消息來得太突然，好難接受！不過老師走得好安詳，反而擔心師母，始終她年紀大，希望個個都堅強一點。」另一位曾跟戴思聰學習唱歌的樂壇天后王菲，目前身在北京，當她得知噩耗，表示會爭取趕來港，參加恩師的追悼會，送老師最後一程。歌手劉德華希望戴老師一路好走。曾因合約問題傳與戴思聰反目的陳曉東，得知師父入院後即時致電慰問，並訂機票回港。他語帶哽咽說︰「好悲痛同難過，遺憾見唔到老師最後一面，我已經盡力趕返香港，可惜都趕唔到，呢個係我人生中一個遺憾！」另一名同樣傳跟戴反目的藝人鄭嘉穎透過經理人指，希望戴思聰家人節哀順變，師母不要太傷心。
沒有留言:
發佈留言
留個言俾欣欣喇喂~~