2010.9.20 相關新聞: 《超級遊戲獎門人》第23集錄影

太陽報
C07 | 娛樂

小林尊食蛋撻輕取安德尊

著名日本大胃王小林尊近日再度訪港，展開一連四日宣傳之旅，昨日出席公開活動與市民進行鬥大食比賽，當中一名參賽者以3分鐘吃下24個蛋撻，成功拿下萬元獎金。而無綫亦派出安德尊與金剛代表作挑戰，沒料兩人相當搞鬼，邊比賽邊搞笑，雖然小林尊相當識做，先讓兩男開始2分鐘才出手，但最後仍輕鬆勝出。

另外，楊思琦昨晚出席《超級遊戲獎門人》錄影時遇上偶像小林尊，即拉着他合照。


*********************************************************************************************

東方日報
C12 | 娛樂

小林尊1分鐘吞11撻 安德尊輸九條街

著名日籍大胃王小林尊近日再度訪港，展開一連四日宣傳之旅。昨日他現身商場出席無綫公開活動，與一眾市民進行鬥大食比賽，其中一名參賽者以三分鐘吃下廿四個蛋撻，成功拿下萬元獎金，原來該名參賽者還是小林尊粉絲，能與偶像同場感興奮。

小林尊極速食撻非常輕鬆，相反安德尊面露痛苦之情。

楊思琦讚靚仔

其後無綫派出安德尊與金剛做代表，以二對一姿態挑戰小林尊。兩人面對大胃王明知必輸，亦抱大無畏精神，邊比賽邊搞笑。他們除了模仿小林尊拿水，更不停與對方開玩笑，又將蛋撻拋掉當完成。為公平起見，小林尊讓安德尊與金剛食先兩分鐘，但他仍以一分鐘鯨吞十一個蛋撻勝出，比安德尊及金剛夾埋還要多，認真厲害。

另外，小林尊昨晚出席《獎門人》錄影時，同場的楊思琦一見他即大讚靚仔，更嚷着要影合照，儼如小fans一樣。

文：影視組


*********************************************************************************************

蘋果日報
C10 | 娛樂名人 | 馮仁昭四圍超 | By 馮仁昭


馮仁昭四圍超：大胃王魅力無窮小林尊吞20蛋撻冧掂陳倩揚


日本大胃王小林尊專程嚟香港宣傳，有名你叫大胃王，到訪香港梗係同食有關，佢會為無綫收費台兩個節目《覓食四方》同《新派煮意》做嘉賓，噚日佢喺將軍澳同觀眾見面，仲率先畀觀眾見識佢嘅驚人食量，雖然小林尊有好多參賽競食嘅紀錄，但佢真人一啲都唔肥，知道要嚟香港後，仲的起心肝操練腹肌，又係肚皮整咗個無綫收費台 logo騷畀大家睇，認真識做。


約定日本相聚

小林尊噚日先欣賞大會安排一個食蛋撻嘅比賽，然後就同安德尊、金剛比拼，大會原定要求各人喺30秒內鬥食得多，點知小林尊好有風度咁讓賽，用30秒只係咁意吞住近20個蛋撻先，仲好鬼儀態咁食，金剛同安德尊搵埋台下嘅人幫拖都唔係佢對手，食飽飽之後小林尊仲有餘慶表演，佢將肚皮放鬆即驚見大肚腩，真係估佢唔到，佢仲話勁食有妙法，就係食嘢時要控制飲水份量。

陳倩揚曾經喺日本留學，可以用流利日文同小林尊溝通，能夠見識對方食嘢嘅勁量令佢嘆為觀止，仲話會同對方交換聯絡方法，方便第日去日本時搵佢相聚，至於對陳志雲事件，陳倩揚話：「冇任何消息，亦冇聽聞公司下令封嘴。」

另外，小林尊噚晚入無綫錄影《超級遊戲獎門人》，同如花李健仁、八両金等人鬥食。楊思琦同麥皓兒喺後台一見小林尊即刻拉住佢影相。小林尊話一次過可以食三件壽司，睇怕如花佢哋幾個夾埋都唔係小林尊對手。