蘋果日報
C02 | 娛樂要聞
話你知 扮嘢劇玩盡名人紅星
《荃加福祿壽》人氣爆燈,明年3月更拍成劇集玩盡藝人。無綫和亞視以往均有開拍扮嘢劇,雖然胡鬧,但合晒師奶心水。
《娛樂插班生》(95年)
劇集95年首播,未紅的黎耀祥撚聲扮羅文,令人印象深刻。其他演員梅小惠、江欣燕、林家棟等同樣演技一絕,劇集播出後熱爆全城。
《樂壇插班生》(97年)
原班人馬添食之作,梅小惠模仿Sammi的Nike眉及那句「好邪」,以及林家棟chok樣扮歌神學友,依然為人津津樂道。
《娛樂反斗星》(01年)
由歐陽震華、鄧萃雯、苑瓊丹主演,劇集影射一眾名人包括謝霆鋒、王菲(圖)、洪朝豐等,平均收視有30點,不過由於玩過火,當年寶詠琴曾入稟高院控告無綫誹謗,後對無綫撤銷控告。
《十六不搭喜趣來》(07年)
亞視製作的處境劇,由扮嘢鼻祖盧海鵬主演,劇集影射陳志雲、六嬸、陳方安生及葉劉淑儀等,啟播時贏得口碑,可惜有頭威冇尾陣,最後因收視太低(1點)而改時段播出。
資料來源:《蘋果》資料室
2010年12月11日
訂閱:
發佈留言 (Atom)
沒有留言:
發佈留言
留個言俾欣欣喇喂~~