C06 | 娛樂
祖藍扮嘢Show玩諧音Gag
英皇娛樂及無綫主辦的《咪咁扮嘢王祖藍演嘢會》昨晚舉行首場演出，祖藍除了向女Fans送上愛的抱抱外，又大玩諧音Gag來報答支持。祖藍先以低V造型勁歌熱舞，又講扮嘢往事：「我喺兒童節目扮『米輪氏鏈球菌』，啲細路嚇到大嗌：『媽咪，米輪搞我呀！』。」
自爆險患抑鬱
祖藍又公開談情，將女友比喻為卡通片女主角：「我睇完《相聚一刻》後好想拍拖，我女友同響子小姐一樣咁賢良淑德！」鄭欣宜則扮徐子珊，與祖藍跳辣身舞胸對胸，祖藍為怕(目及)胸而掩眼！欣宜以一字馬作結贏盡掌聲，鄭少秋亦到場欣賞乖女演出。
祖藍完騷前以「慳啲啦Baby」造型示人，指該角色改變他的人生：「以前啲人話我對腳短、幼、削，依家改口讚長、正、索！我想講我家族遺傳冇腳毛，咪再問我有冇剃。今次做騷差啲抑鬱，上網搵到一首差利嘅歌，啟發咗我好多嘢。」說罷即改以小丑形象講拜拜。
祖藍昨晚獲不少圈中好友如霍汶希、樂易玲、鍾景輝、朱慧敏及江欣燕等撐場。朱慧敏大晒男友設計的戒指，她說：「上面個『CHANG』係男友個姓，佢嚟咗香港陪我。（求婚戒指？）唔係！雖然佢求過好多次婚，雙方家人都想我哋結婚，但未解決到婚後住邊度！之前啲報道話我男友係賤男，我仲係好唔開心。」
江欣燕與無綫高層樂易玲齊捧祖藍場。
****************************************************************************************
東方日報
C10 | 娛樂
王祖藍讚女友賢良淑德
王祖藍昨晚現身灣仔新伊館，為英皇娛樂及無綫主辦的《咪咁扮嘢王祖藍演嘢會》進行首場演出，霍汶希、吳雨、樂易玲、杜汶澤、田蕊妮、江欣燕、朱慧敏等均有到場支持。
王祖藍
祖藍以勁歌熱舞揭開序幕，之後與兩位女觀眾玩遊戲，更送出愛的抱抱，又大搞爛gag：「我扮『米輪氏鏈球菌』，嚇到啲細路大嗌：『媽咪，米輪搞我呀！』」之後又不忘冧女友，他說：「我睇完卡通片《相聚一刻》後，好想拍拖，我女友同響子小姐一樣咁賢良淑德！」
有份捧場的朱慧敏大騷男友設計的戒指，她說：「上面寫住『CHANG』係男友個姓，（結婚？）雙方家人都想，男友都求過好多次婚，但我哋未決定到婚後住邊度。」
*****************************************************************************************
蘋果日報
C10 | 娛樂名人 | 馮仁昭四圍超 | By 馮仁昭
無綫紅人開騷法拉拍拖撐場
馮仁昭四圍超：林峯尾場高層傍實
無綫兩位當紅兼可能係最搵錢嘅藝人，包括「亞太區最受歡迎香港男歌星」林峯同扮女人扮到出神入化嘅王祖藍，噚晚不約而同開騷。林峯喺紅館演出最後一場演唱會，祖藍就喺伊館開首場嘅talk騷，人氣不相上下。
甘比捧林峯
至於近日醞釀同男友Andy分手嘅睹王千金超雲，都有同男助手捧林峯場，當記者行近時，佢都知道大家用意，即刻話自己心情唔錯，但唔想多講感情事，問佢o依家係咪單身？超雲話：「當然唔可以話係已婚，但又唔可以話係單唔單身，總之o依家係冷靜期。」佢話人相處耐咗自然有唔夾嘅地方，好正常。但有傳係賭王老竇何鴻燊唔鍾意Andy？超雲否認，佢仲認同Andy有聯絡，至於有冇機會復合？超雲話：「真係唔知，o依家大家係好朋友。」連劉鑾雄嘅紅顏知己甘比都撇低囡囡同親友去睇佢，而陳法拉則少有地同Neway太子爺男友薛世恒出現撐場。林峯喺台上話佢會毫冇保留咁演出。
祖藍扮Sammi
另外，祖藍嗰邊都有唔少老友捧場，好似有江欣燕、田蕊妮同鍾景輝等。
祖藍甫開場就以拿手好戲扮女人出現，佢以鄭秀文嘅紅色Deep V造型現身，又一人扮幾把聲。之前傳台灣男友偷食嘅朱慧敏就透露男友專程嚟香港陪佢，仲話佢哋拍拖出街時引嚟唔少途人眼光，仲有人上前問朱慧敏嗰男仔係邊個，而佢即場大騷男友設計兼有佢英文姓氏嘅訂情戒指晒幸福。
*****************************************************************************************
星島日報
D02 | 星島周末娛樂至上 | By 黃芷櫻
朱慧敏騷求婚戒晒幸福
王祖藍昨晚舉行演嘢會，獲無綫及英皇高層樂易玲、吳雨到場支持，其他捧場藝人還有江欣燕，她爆祖藍堅持送票，笑言要私人表演給他看來回禮，以前曾有人斟她開扮嘢搞笑騷，她怕遇到三級話題有難度而推卻。另外，朱慧敏昨晚向記者展示男友的求婚戒指，自車震事件後首度公開新戀情。她坦言和張姓男友感情穩定，男友已多次求婚並送刻上姓氏「Chang」的求婚戒指，但她未答應，她對男友被指賤男感不快，如將來結婚會考慮是否公開。祖藍在扮嘢會中首先扮鄭秀文唱歌，玩遊戲送禮兼送擁抱，全場爆滿。
文：黃芷櫻
圖：莫家聰
****************************************************************************************
新報
C02 | 娛樂消閒 | 娛樂精點
王祖藍扮嘢演嘢會露罅舞衣High爆
王祖藍一連兩場《咪咁扮嘢王祖藍演嘢會》，昨晚假灣仔伊利沙伯體育館舉行。身穿西裝出場的王祖藍，在講過開場白後即撕掉西裝，露出閃紅露背兼露罅舞衣，以及灰色短褲，又唱又跳改編鄭秀文《信者得愛》的《信者High爆》，引得觀眾拍爛手掌。而曾與祖藍合作過的江欣燕、朱慧敏及張致恆等均有前來捧場。
江欣燕專誠來捧場，原來她說自己是看着祖藍出身，現在見他這樣成功，真替其開心。問到欣欣有沒有興趣做Talk騷？她指女仔做這種騷很難，因會怕掂到三級的話題。至於早前被指男友一腳踏兩船的朱慧敏，則風騷地騷其張姓男友送給她的訂情介指，她說：「呢隻戒指係佢設計，係佢姓氏嚟。」而朱慧敏亦謂雙方家人都很喜歡對方，問她有沒有跟男友傾過幾時結婚？她說：「我哋都有共識。（係咪等佢求婚？）佢求過好多次喇，（點解唔應?？）我哋未揾到落腳點，因為我係香港，而佢通常係台灣或外國。」而朱慧敏又指日後若結婚不知是否會公開，因擔心會被起底，到時可能由開心事變得不開心了！
新報記者霍淇報道
*****************************************************************************
附加轉載兩張星展圖
沒有留言:
發佈留言
留個言俾欣欣喇喂~~