♥ 最新動態 ♥

.7月中開拍新劇《Aerobic Girls舞室保衛戰》。

2010年11月25日

2010.11.25 蘋果日報 《縮骨僱主 5年即撇 外傭講金唔講心 (節錄)》

縮骨僱主 5年即撇 外傭講金唔講心 (節錄)
2010-11-25   蘋果日報


與上一輩媽姐相比, 70年代才興起的外籍傭工與僱主不再單靠信字,聘用條款白紙黑字寫清楚,不過近年經常聽到僱傭糾紛要鬧上法庭的新聞。當然外傭有好也有壞,僱主亦然,不少縮骨僱主為逃避支付長期服務金,都會在外傭未做滿 5年,便把她辭退,以致他們講金唔講心!

記者:蔡俊業




















開奶靠估兼黑面

Zenith媽媽誕下 BB後,先後聘用過兩名印傭。首位印傭各方面表現都不錯,奈何來港工作了十年,太有主見,遇上不明白之事便皺眉,更經常黑面,作為僱主,還是看她臉色!「屋企有電熱水壺,我習慣每飲完一壺先倒新水入去,但佢為咗營造凡事都搞掂嘅狀態,就算壺水未飲完,都會每天注入新水填滿,即是話我不斷飲緊千年舊水,同佢講過好多次都無用,最後要在旁監督才改!」因這名印傭結婚回家,請來另一位,豈料更多笑料。「間 agent亦有問題,話佢有中學程度,但連加減乘除都搞唔掂!問她若每殼奶粉可開 20ml水,開 180ml水的話,即用多少殼奶粉呢?她竟然答不到!最激氣係佢返工 24小時後極速辭職,原因係怕狗,但明明 agent說她不怕,被打亂陣腳之餘還要畀回程機票送佢返去!」





















香港家庭傭工僱主協會主席羅軍典說, 70年代開始因為香港經濟環境轉變,越來越多媽姐轉去工廠返工,加上當時無新人入行,媽姐後繼無人,且教育程度低,香港人逐漸改用外傭。然而面對國籍不同和文化差異,僱傭之間的關係無法像昔日媽姐一代那麼融洽,文化葫蘆創辦人吳文正說一來語言上難溝通,文化差異就問題更多,「例如煮嘢食好鹹,叫佢落街買燒豬拜神可能切晒返嚟,結果就俾主人鬧。」印尼當地風俗多,香港人認識不深,他便有以下經歷,「有次『夜麻麻』行經間房,入面熄晒燈,突然見到佢着住件白袍跪喺度唔知做咩,真係嚇一嚇,事後佢同我解釋話係因為宗教原因!」得成僱傭中心董事總經理廖翠蘭說,以前媽姐懂得中國人的尊卑觀念,外傭畢竟沒有這種概念,另外這一輩人現實了,「上一代人請外傭都會同一位請十幾年,近年此情況已少之又少,僱主同埋外傭都計數,因為請夠 5年就要畀長期服務金,有僱主未夠 5年就炒工人去慳錢,亦都有外傭一做夠 5年多啲就搵方法搞到僱主炒佢,賺一筆賠償金!」談到有外傭用經血炒菜,她還是一句,將心比己,「外傭都係人,你對佢好,佢又點會整蠱你?人心肉造,僱主自己都要反省!」

沒有留言:

發佈留言

留個言俾欣欣喇喂~~