2011.3.1 新報: 紅豆冰時間《最佳衣着獎》

新報
C08  |   名筆薈  |   紅豆冰時間  |   By 鍾慧冰

最佳衣着獎    

至八會每月都有一次例會，而每年一度的新年團拜更是全年聚會的高潮！

今回曾華倩早早便提議今年要「閃」，主題顏色定了要穿黑色，又要黑又要閃，故稱之為「閃閃夜」， 從前衣櫃倒是掛滿了珠片晚裝，要幾閃有幾閃，但近年環保意識增強，不穿的衣服或送人，或捐去做慈善二手衫，這回要閃唯有借了女兒一條黑珠片紗裙，再圍上一條多年前在埃及買的閃閃頸巾充數！當晚一看，我倒是穿着得頗配合主題，江欣燕是全身都黑但不閃，她還舉着十隻手指大聲抗議：「睇吓我啲手指甲喇，閃金閃銀，係全閃型！」查小欣那件珠片背心好閃，但不是黑色的，我覺得好熟口面，她眨眨眼：「起碼超過十年，好有歷史價值！古董嚟，嘻嘻！」

各人正為服裝爭論不休之際，忽有一中東女子拖着一隻行李箱走進來，全身黑從頭包到腳，只露出兩隻大眼睛，她拉開椅子，好整以暇，大模斯樣地坐下來，嘟嘟還猶疑地跟毛毛說：「呢位女士係咪入錯房呀？」我望着那對既蠱惑又熟悉的大眼晴，忽然醒覺：「天呀，係大姐明！我認得件衫，係上年我哋去杜拜旅行嗰陣佢買，當時我仲問佢買嚟做乜？佢仲話你理得我呀！」

「你着成咁出街？你點嚟？」朱慧珊問。「坐的士囉，本來個司機一見我就話No、No、No……我無理佢，一上車開口講廣東話，仲嚇咗個司機一跳！」大姐明得意地說「你係全黑，但無閃喎！」華倩說。大姐明撥開頭紗，一條銀片項鏈就圍在頸上：「這本來是一條腰帶，而家變咗做一條頸帶囉！」

結果全體投票一致通過，林建明小姐獲得「全埸最佳衣着獎」，一人獨得獎金二百大元！