♥ 最新動態 ♥

.7月中開拍新劇《Aerobic Girls舞室保衛戰》。

2011年5月4日

2011.5.3 相關新聞: 米蘭站上市投資者推介會

東方日報
B13 | 絲絲講場 | 絲絲講場 | By 余絲韻

絲絲講場:米蘭站上市推介 200萬手袋壓場

女人天生係購物狂,最鍾意買高踭鞋及名牌手袋,二手名牌店米蘭站(01150)就食正呢條水,生意長做長有。米蘭站喺尋日舉行上市投資者推介會,當然有招牌貨名牌手袋坐鎮,其中有3個名牌手袋市值合共200萬元,吸引咗唔少投資者圍觀,現場仲有名模及明星江欣燕拎手袋出場影相,公司又大派印有「米蘭站」字眼嘅Cup cake,現場氣氛好似開Party咁開心。

現場嗰3個共值200萬元嘅名牌手袋,由一位身材魁梧嘅外籍保安員守護住,不過當有人埋身影相,保安員亦好識做行開畀大家任影。

米蘭站為咗令投資者對佢哋留下深刻印象,特別搵人製作咗200至300個Cup cake,上面印咗公司名,仲有個手袋仔,食得之餘亦好得意,絕對係誠意之作。

李文俊夫婦係fans

絲絲喺推介會現場見到理文造紙(02314)CEO李文俊,佢話做仁濟總理時認識咗米蘭店老闆姚君達,米蘭店上市佢當然要捧吓場,佢仲話會買番些少股份喎。問到佢老婆有冇幫襯米蘭店,李文俊就笑笑口話梗係有啦,兩公婆果然係呢間公司嘅粉絲。

余絲韻

米蘭站舉行上市推介會,搵嚟名模及明星大Show名牌手袋,主席姚君達(右座者)都做埋Model。(潘國禮攝)



















 **************************************************************************************************************************************

星島日報
B06 | 星島財經 | 財金解密

米蘭站展示「鎮店之寶」

快將進行公司招股的米蘭站,昨天舉行投資者推介會,米蘭站既然以售賣二手手袋起家,自然要拿幾個「鎮店之寶」晒冷,給記者影下相。米蘭店在推介會展示的三個限量版名貴手袋,據聞價值超過二百萬元,難怪保安工夫做到足,一直有體格魁梧的非洲裔警衞全程看守。

米蘭站上市其中一個賣點,就是該公司熟悉手袋市場,可以搜羅各種限量版手袋,而這些二手貨品,價格往往高得嚇人,絕不比全新手袋遜色。

至於推介會,除了有分析員、基金經理到場之外,亦有娛樂圈人士捧場,包括江欣燕以及日籍模特兒松岡李娜,原來她們都係曾經替米蘭站拍廣告,當然要出席旺下場。


****************************************************************************************************************************

經濟通

《財經人語》米蘭站路演大派「名牌手袋」?!

《財經人語》小記成日聽啲老行尊講,話女人錢幾時都係最易賺,見到賣二手名牌袋賣到上市嘅米蘭站(01150)可見一斑。今日(3日)佢地喺港麗搞Roadshow,為咗吸引各大傳媒報道,大會安排咗三位混血模特兒,著住「熱辣辣」夏日服裝,「露腰、露肩、露腿」,又請埋藝人江欣燕到場,拎住各大品牌名牌手袋,而米蘭站主席姚君達就坐喺一眾性感美女中間,盡顯成功男士本色!一眾攝記真係影相都影到手軟。  咁樣大派冰淇淋,在場無論係男士女士都一樣受落,大會仲喺會場櫥櫃入面仲放咗唔同款嘅名牌手袋畀小記「觀賞」。望住閒閒地十幾萬一個嘅「愛馬士」袋,小記就梗係買唔起啦,不過,大會都好有小記心,每人送一個「名牌手袋」...嘅杯裝蛋糕!  講番今次米蘭站上市來頭,據聞初步招股價最高1.67銀,集資近3億,暫時已經有三位基礎投資者捧場,包括太子珠寶鐘錶主席鄧鉅明、競投吞拿魚上埋報紙頭條嘅板長老闆鄭威濤,仲有理文造紙(02314)首席執行官李文俊等都親身到場支持。被問到以幾多錢入股,佢地就個個打太極,話幾多錢入都唔緊要,相信股價點都會升咁話!缸友如果想炒名牌效應,不妨諗諗。(ml)

















****************************************************************************************************************************************

太陽報
A23 | 政情

政情:米蘭站晒貴手袋派Cup Cake

二手名牌店米蘭站尋日開咗個上市投資者推介會,主席姚君達當然喺度,仲有佢哋招牌貨名牌手袋坐鎮,其中有三個名牌手袋市值共二百萬元,引嚟唔少投資者圍觀,現場仲有名模同藝人江欣燕拎住手袋出場畀人影相,又大派別出心裁印有「米蘭站」字眼嘅Cup Cake,現場氣氛好似開派對咁開心。

呢三個名牌手袋唔小嘢,當然有位身材魁梧嘅外籍保安員守護住,保安相當嚴謹,但一有人埋身影相,保安先生都好識做行開。呢間公司為咗畀投資者留低深刻印象,特別搵人製作咗二、三百個Cup Cake,上面印咗公司名,仲有個手袋仔,食得之餘又得意。

東方電視:
http://tv.on.cc/index.html?s=2&ss=&i=OBZ-110503-7828-26M&d=1304422041


***************************************************************************************************************************************

全球首家 二手袋商下周招股
米蘭站:3年僅檢2萬元假貨
2011年5月4日

【明報專訊】在本港經營二手名牌手袋買賣米蘭站(1150),「食正」內地自由行遊客來港掃名牌潮流及本港OL愛換款心態,磨劍十載今年上市,將於下周三公開招股,成為全球首家上市的二手名牌手袋零售商。根據其初步招股文件,原來貴價手袋毛利率反不及1萬元以下的「平價」手袋,至於買賣二手名牌手袋的最大風險——假貨問題,米蘭站披露的數據出乎意料,去年完全未發現假冒產品,08、09年度僅為假冒產品撇帳合共兩萬元,低於外界估計。

曾為米蘭站代言人的藝人江欣燕(前排左)昨日亦有出席投資者推介會。前排右為米蘭站主席、行政總裁執兼執行董事姚君達。(陳智良攝)


























與不少零售股相同,米蘭站是次招股同樣以內地消費增長概念作招徠,不過截至去年底止全年,米蘭站有88%收益來自本港,中國及澳門的收益則分別佔6.3%及5.3%。米蘭站在本港經營11家零售店,另外在北京及澳門分別經營2家及1家零售店。

本港網上兩大熱間討論區以往不時出現有關米蘭站貨品品質的討論,不時有人聲稱在米蘭站買入假貨,而要到門市退貨索回費用的說法。儘管如此,根據米蘭站昨日上載到聯交所網頁的初步招股文件,米蘭站在假冒產品風險管理方面水平奇高,08、09年度僅為假冒產品分別撇帳6000元及14000元,去年更完全沒有發現假冒產品。

去年存貨撥備增逾五成

不過米蘭站過去三年的存貨撥備額持續上升,09年為280萬元,按年升17%,去年更大幅上升54%至430萬元,佔去年底存貨的4.8%。公司解釋是因為存貨滯銷而撥備。

招股文件亦指出,該公司在防範假貨方面有多項措施,首先會培訓高級銷售人員識別防偽特徵,包括手袋把手、拉鏈及產品上印刷的序列號等;在接收客戶的貨品時,又會由兩名指定員工進行初次檢測;其後貨品會送到中央倉庫,由員工進行第二次檢測,通過後才會在零售店出售該產品。此外,招股文件顯示,米蘭站過去3年為被指銷售贓物而損失20500元。

員工作兩次檢測 防假貨

一般消費者會認為,銷售貴價手袋毛利應較平價手袋為高,但在二手市場情恰恰相反。於2010年,米蘭站銷售1萬元或以下手袋的毛利率達32.4%,1萬元至3萬元手袋毛利率降至24.2%,銷售5萬元以上手袋毛利率進一步降低至18.3%。另外,因為業務擴張,米蘭站去年存貨為8900萬元,按年增加2000萬元或29%。

每手入場費3373元

米蘭站是次計劃按每股1.17至1.67元發售1.625億股股份,集資最多2.7億元,每手入場費3373.67元,招股價範圍相當於2010年度市盈率14至20倍。

市場消息指出,該公司將引入3名基礎投資者,包括理文造紙(2314)首席執行官李文俊、太子珠寶鐘錶主席鄧鉅明及和之味飲食集團(經營板長及板前壽司)董事總經理鄭威濤,3人將合共認購約15%股份。

明報記者毛婷婷報道

****************************************************************************************************************************************

米蘭站姚君達擺地攤變掌25億
蘋果即時新聞 2011年05月04日

http://hk.apple.nextmedia.com/template/apple/art_main.php?iss_id=20110504&sec_id=4104&subsec_id=12731&art_id=15223408

香港回歸十多年,市民怨聲不絕,不過也有港人為理想默默耕耘,創出一番事業。現年 42歲的米蘭站老闆姚君達掌握港人生活變化, 01年創立公司後,僅花 10年時間便成為二手名牌王國揸 fit人,兼且榮升上市公司主席,連同本身物業投資,控制逾 25億元資產,活脫脫是另一個獅子山下的勵志故事。

姚君達向本報表示,公司上市只是里程碑,上市後會繼續擴展米蘭站的業務。 22年前,姚君達只是「鋪塊紙皮」在尖沙嘴加連威老道街上擺賣的小販,面對的是中下層市民,要做成生意,必須學曉討價還價。加連威老道龍城大藥房一名老員工向本報記者稱,廿多年前該處確有小販擺地攤,售賣的物品包羅萬有,但他對姚君達並無印象。

姚君達曾表示,當年擺地攤的經驗很重要,做生意的技巧便是在那時磨練出來的。之後他認識了一位在名店做售貨員的拍檔,先後跟章小蕙及余安安合作賣明星二手衫,他領會到只要是名牌,二手都有得做,催生了米蘭站。姚君達說:「米蘭站其實是個符合香港文化的交易平台,同時可提供到正貨的信心保證。」

米蘭站僅花 10年時間,由只有尖沙嘴一家店,擴展至目前共有 14家分店,由最初投資 100萬元創業,到去年成為營業額逾 7億元的二手名牌手袋龍頭,全因集團掌握到港人的生活變化。


拼搏十年,姚君達將米蘭站打造成二手名牌手袋王國。
互聯網






沒有留言:

發佈留言

留個言俾欣欣喇喂~~