♥ 最新動態 ♥

.7月中開拍新劇《Aerobic Girls舞室保衛戰》。

2012年2月15日

2012.2.14 頭條日報: 整蛋糕夾到暈 黃德斌江欣燕 歎相逢恨晚

頭條日報
P65  |   娛樂  |   頭條獨家

整蛋糕夾到暈 黃德斌江欣燕 歎相逢恨晚


黃德斌和江欣燕在劇集《4 In Love》中合演一對,為了慶祝情人節,兩人早前齊齊整甜到漏的「白朱古力草莓慕士心形蛋糕」,表現默契十足。原來該劇是兩人首次合作,但相處極之愉快,他們都大歎識得太遲,跟在劇中的角色一樣——Timing唔啱!

採訪:杜淑霞

場地:糕季烘焙材料專門店(電話:28132148)

現實生活中,德斌有個拍拖十多年的女朋友黃美恩(Joyce),欣欣亦有個結婚十多年的老公吳積遜(Jackson),兩個長情又專一的人,雖然在劇中有感情戲,但絕對撻唔着,不過亦認同感情事,Timing很重要。他們笑言拍檔亦然,「我哋兩個喺TVB咁耐,當然知道對方係邊個,但係第一次合作,竟然係早排上海世博個節目,拍劇今次先算係正式第一次。」這天兩人合作整蛋糕,有商有量,原來拍劇早已培養出默契,「我哋都係鍾意自然演法,加上套劇題材輕鬆,所以拍攝時好愉快,只係覺得合作得太遲,希望嚟緊可以有多啲機會合作啦!」

蛋糕做法

材料: 白朱古力、草莓果醬、淡忌廉、奶、蛋黃、糖及魚膠粉一) 先將白朱古力坐溶;將蛋黃、砂糖打至稠黏,將白朱古力加入;再加入已打起的忌廉中,最後加入魚膠水拌勻;二) 將白朱古力及草莓果凍分段加入預先整好的蛋糕雪凍;三) 將坐溶的朱古力放入心形模雪凍;四) 最後將心形朱古力等放上蛋糕面作裝飾便可。


※黃德斌與江欣燕夾手夾腳整心形蛋糕,各位讀者不妨跟住造一個你的另一半。





















1 則留言:

留個言俾欣欣喇喂~~