♥ 最新動態 ♥

.7月中開拍新劇《Aerobic Girls舞室保衛戰》。

2010年7月30日

2010.7.30 成報 《沒有醜女人只有懶女人 江欣燕分享中女扮靚心得》

成報
C15 | 娛樂城 | 和她有個約會

沒有醜女人只有懶女人 江欣燕分享中女扮靚心得


(口靚)模騷「事業線」成為熱潮,其實性感並非後生女的專利,早前江欣燕為悅榕莊拍攝了一輯纖體廣告,擔任代言人的她在廣告中穿上兩件頭的性感泳衣,更表示可找回「童顏術」,保持年青時咁Fit、咁索,欣欣不介意以中女自稱,對於自己這個年紀仍有此身形,欣欣很滿意,並分享「中女」心得:「要靠自己不可以放棄,只要你有恆心,一定可以變靚,這個世界沒有醜女人,只有懶女人。」

<採訪>慧芳  <攝影>Gary  <場地提供>悅榕莊

欣欣離開娛樂圈已經七年,過着少奶奶的生活,頭幾年她閒來也有打下網球做運動,由於打網球會容易扭傷、曬黑條頸,更會令左右手臂肌肉不平均,她之後就停下來沒有再繼續,反而享受人生,吃、喝、玩、樂,不停的放縱大吃大喝,間中飲酒、行街,做她之前人生好少做的事,再加上夜睡,結果體重一度標升至120多磅的高豐期,纖體成功的欣欣現在回復106、7的磅數。

形象健康入屋

半年前,她接拍纖體廣告,又笑說:「我都唔知佢哋點解搵我,可能係我拍咗唔少電視劇,再加上我嘅形象健康、入屋,而且我又係中年,沒理由叫一個二十幾歲嘅後生女去做,可能我係佢哋要搵嘅客戶年齡層,而我又真係Keep得好好。」

欣欣表示,接拍廣告當天狀態最好,她亦不覺得特別性感。她說:「可能大家未見過我以前咁樣,出來比較爆炸性,當中有一個廣告我好似無着衫咁,其實喺效果嚟嘅,因為我有做安全措施,其實當日本來預咗着泳衣,但因為身形太Fit,泳衣太鬆身,着唔到,形象師就提議不如咁影,外國好多模特兒都係咁影,加上個導演好擅長拍水入面嘅照片,嗰時覺得人生都無幾日可以瘦到咁樣,係我一生中身形最Fit嘅時候。」問她拍攝這輯相有否和老公吳積遜商量時,她笑謂:「我無問佢呀!其實呢輯相原本係送畀我做紀念嘅,而且同佢哋講照片要畀我過目,不過睇完輯相後我覺得好滿意,所以佢哋先攞來用。」

開心迎接50歲

這次再次復出熒光幕,欣欣表示:「其實我唔係唔滿意無工作嘅日子,相信一段日子之後,你就想人生有啲轉變,其實我之前都拍咗十幾年戲先停落嚟,自己真係無諗過會返無綫,我依家喺娛樂圈都係當兼職,都無諗過自己會全力出來工作,不過我也是以家庭為主,但我覺得人生是可以兼顧好多樣嘢,做番嘢好開心。」她承認如今是玩票性質,不會給自己壓力,現在更有智慧。她說:「以前都唔係笨,只係不懂鍚自己,不過依家可以令自己唔使擔憂太多,令自己輕鬆、放鬆好多,發覺經歷咗咁多再做嘢,自己待人處事都唔同以前,再返嚟呢個圈,發覺自己嘅EQ真係正到不得了,原來我呢個年齡係好開心,所以我會開心地迎接50歲,睇我到時嘅智慧增長咗幾多。」

















































































































沒有留言:

發佈留言

留個言俾欣欣喇喂~~